დეილი ჯგუფი არის ყველაზე დიდი ჰოლდინგური კომპანია საქართველოში, რომელიც საცალო ვაჭრობის სექტორში აერთიანებს ისეთ ბრენდებს, როგორიცაა: დეილი, სპარი, მაგნიტი, გვირილა, იოლი, კალათა და ქართული ლუდის კომპანია ზედაზენი.
ჰოლდინგის შემადგენლობაშია 2 ლოგისტიკური ცენტრი და 2 მზა კვების საწარმო თბილისსა და ქუთაისში.
ჯგუფი აქტიურად განაგრძობს განვითარებას და საქართველოში გახდა ერთ-ერთი პირველი საცალო ვაჭრობის სფეროში, რომელმაც გააფართოვა საოპერაციო არეალი, გასცდა ქვეყნის საზღვრებს და უზბეკეთში, ფრანგულ ,,შივერ გრუპთან” პარტნიორობით, მართავს Bi1 ბრენდის ქვეშ შემავალ 40 სუპერმარკეტს.
,,დეილი ჯგუფისთვის” რითეილის მომავლის შექმნა ნიშნავს ევროპული სტანდარტების დანერგვასა და ისეთი ეკოსისტემის მშენებლობას, რომელიც მომხმარებლის ცხოვრებას ამარტივებს. ჩვენი უნიკალური სტრატეგიული მოდელი, რომელიც წარმოებისა და საცალო ვაჭრობის სინერგიას ეფუძნება, გვაძლევს ხარისხის სრული კონტროლის საშუალებას. როგორც ბაზრის ლიდერები, ვგრძნობთ პასუხისმგებლობას, შევიტანოთ წვლილი ქვეყნის ეკონომიკაში და შევქმნათ სანდო გარემო ჩვენი თანამშრომლების, პარტნიორებისა და მომხმარებლებისთვის.
სამეთვალყურეო საბჭოს
თავმჯდომარე
სამეთვალყურეო საბჭოს
წევრი
სამეთვალყურეო საბჭოს
წევრი
„დეილი ჯგუფს“ მართავს პროფესიონალთა გუნდი, რომლის მთავარი მიზანი ჰოლდინგის გრძელვადიანი და სტაბილური ზრდაა. ჩვენი მენეჯმენტის სტილი აერთიანებს ადგილობრივი ბაზრის სიღრმისეულ ცოდნას საუკეთესო საერთაშორისო სტანდარტებთან, რასაც ისეთი გლობალური კომპანიების ნდომა და წარმატებული პარტნიორობა ადასტურებს, როგორებიცაა SPAR, Heineken და Tempo.
გუნდის სტრატეგია მიმართულია ოპერაციული ეფექტიანობის გაზრდის, ბრენდის პორფოლიოს გაძლიერებისა და ჯგუფის, როგორც ბაზრის უპირობო ლიდერის, პოზიციების გამყარებისკენ.
ჩვენს სტრატეგიულ პორტფოლიოს ერთი მთავარი მიზანი აერთიანებს – თანამედროვე, ევროპული სტანდარტების ბიზნესეკოსისტემის განვითარება და ქვეყნის ეკონომიკური პროგრესის ხელშეწყობა.
ჰოლდინგის გუნდი და შვილობილი ბრენდები ამ პროცესის მთავარი ძალაა. მათი მრავალფეროვნება, ერთიან სტრატეგიასთან ერთად, უზრუნველყოფს მართვის მაღალ სტანდარტს, ოპერაციულ სინერგიასა და სტაბილურ განვითარებას, რაც ჩვენი გრძელვადიანი წარმატების საფუძველს ქმნის.
„დეილი ჰოლდინგის“ წარმატებისა და სტაბილური განვითარების საფუძველი ძლიერი პარტნიორული ურთიერთობებია. ჩვენ ვთანამშრომლობთ ბაზრის წამყვან მწარმოებლებთან და დისტრიბუტორებთან, რათა მომხმარებელს ყოველდღიურად მაღალი ხარისხის პროდუქცია და მომსახურება შევთავაზოთ.
პარტნიორების პროფესიონალიზმი და საერთო ღირებულებები გვაძლევს შესაძლებლობას, ერთად განვავითაროთ ბიზნესი და შევქმნათ მდგრადი მომავალი.
