19 ივნისს, ქალაქ ბათუმში, ხიმშიაშვილის ქუჩა N15-ზე, SPAR-ის პარტნიორი კომპანიის ახალი სუპერმარკეტი გაიხსნა. ეს მოვლენა SPAR Georgia-ს ფრენჩაიზინგული მოდელის წარმატებული განვითარების კიდევ ერთი ნათელი მაგალითია და ხაზს უსვამს ბრენდის სტრატეგიას, გაფართოვდეს ადგილობრივ მეწარმეებთან მჭიდრო თანამშრომლობით.
SPAR-ის გლობალური წარმატების ფუნდამენტი მისი უნიკალური ფრენჩაიზინგის მოდელია, რომელიც დამოუკიდებელ მეწარმეებს საშუალებას აძლევს, გახდნენ საერთაშორისო ბრენდის ნაწილი. ამ მოდელის ფარგლებში, SPAR-ი პარტნიორებს უზრუნველყოფს ცნობადი სახელით, მომარაგების ეფექტიანი ჯაჭვით, მარკეტინგული მხარდაჭერითა და აპრობირებული საერთაშორისო სტანდარტებით, ხოლო ადგილობრივი პარტნიორები, თავის მხრივ, უზრუნველყოფენ ბიზნესის ეფექტიან ოპერირებასა და კონკრეტული ლოკაციის საჭიროებებზე სრულად მორგებას.
ბათუმში ახალი სუპერმარკეტის გახსნა ნათლად აჩვენებს, თუ რამდენად მიმზიდველი და სიცოცხლისუნარიანია SPAR-ის პარტნიორობის მოდელი ისეთ კონკურენტულ და დინამიურ ბაზარზე, როგორიც აჭარის რეგიონია. ეს ფაქტი არა მხოლოდ ბრენდის პოზიციებს აძლიერებს, არამედ სტიმულს აძლევს სხვა პოტენციურ მეწარმეებს, შეუერთდნენ SPAR-ის მზარდ ქსელს.